Cefndir a phwrpas Bwrdd Busnes yr Urdd

Mae rheolaeth ariannol gref yn hanfodol i elusennau ac mae rôl y Bwrdd Busnes yn goruchwylio’r materion ariannol yn chwarae rhan allweddol yn strwythur llywodraethiant yr Urdd. Mae diogelu sefyllfa ariannol yr elusen, goruchwylio’r defnydd o adnoddau ariannol a phenderfyniadau buddsoddi’r elusen yn hanfodol er mwyn sicrhau bod gan yr elusen yr adnoddau i gyflawni ei hamcanion wrth barhau i ddiogelu fod gweithgareddau’r elusen yn gynaliadwy ar gyfer y dyfodol.

Cyfrifoldebau'r Bwrdd Busnes

• Adolygu cyfrifon rheoli chwarterol a chyllidebau adrannol blynyddol
• Adolygu y cyfrifon statudol blynyddol i rhoi sicrwydd i'r Pwyllgor Archwilio a Risg bod y wybodaeth ariannol yn gyson gyda’r cyfrifon rheoli
• Goruchwylio portffolio eiddo'r Urdd
• Cymeradwyo a monitro prosiectau cyfalaf
• Monitro perfformiad buddsoddi ac argymell newidiadau
• Cymeradwyo ceisiadau gwariant busnes o gronfeydd wrth gefn
• Adolygu a goruchwylio polisïau ariannol yr Urdd

Rydym am apwyntio 3 aelod ychwanegol i'r Bwrdd Busnes

Rydym yn chwilio am ystod amrywiol o sgiliau a phrofiadau, ac yn croesawu ymgeiswyr sy'n bodloni un neu fwy o'r meini prawf isod:

• Cymwysterau ariannol neu yn astudio at gymwysterau ariannol
• Aelod o gorff proffesiynol ariannol
• Profiad o reoli cyllid
• Profiad o reoli prosiectau e.e. cyfalaf
• Arbenigedd / profiad rheoli buddsoddiadau
• Profiad o ddatblygu eiddo
• Profiad o reoli adran ariannol