Ydych chi’n teimlo’n reddfol am natur? Oes gyda chi ddiddordeb mewn dilyn gyrfa o fewn y sector cynaliadwyedd a Chadwraeth?

Dyma gyfle euraidd i chi ennill profiad mewn gwahanol agweddau ar y sector gan gynnwys sesiynau ymarferol, sgyrsiau gan gyflogwyr a rhai sy'n gweithio o fewn sefydliadau natur a chadwraeth yn ogystal â gweithgareddau hwyl megis arfordiro. 

Os rydych ar ganol ymgeisio am eich Gwobr Dug Caeredin Aur- mae'r cwrs yma yn berffaith am agwedd Gwrs Preswyl y Wobr.

Mae'r cwrs preswyl 5 diwrnod hwn yn cynnwys:

• Teithiau tywys a gweithgareddau mewn amrywiaeth o gynefinoedd gan gynnwys ucheldir (bryniau Preseli) Arfordir (Parc Cenedlaethol Arfordir Penfro) a Choetir (Gwarchodfa Natur Coed Tŷ Canol).

• Sesiynau a gweithgareddau sy'n eich galluogi i gwrdd â derbyn cyngor gan gyflogwyr yn y sector amgylcheddol ar lwybrau posibl i yrfa amgylcheddol.

• Sesiynau cadwraeth ymarferol gan gynnwys cynnal arolygon natur a bywyd gwyllt, dilyn olrhain rhywogaethau penodol fel mamaliaid bach, hyrwyddo cynefinoedd adar, a nodi rhywogaethau o ddiddordeb.

• Sesiwn arfordiro ar hyd clogwyni mawreddog Sir Benfro.

• Gweithdai amrywiol ar thema cynaliadwyedd a chadwraeth.

Ar gyfer

Pobl ifanc sydd yn 16-25 oed.

Pryd mae'r gwersylloedd yn cael eu cynnal?

Dydd Llun 11 Awst tan ddydd Gwener 15 Awst 2025

Dydd Llun 18 Awst tan ddydd Gwener 22 Awst 2025 - Mae hwn yn gwrs i ddysgwyr.

Pa mor hir mae'n para?

4 noson

Pris

£290 ar gyfer aelodau'r Urdd. Os nad ydych yn aelod eto, gallwch ymaelodi ar-lein yma.

Cynllun talu rhandaliadau ar gael. 

Gellir trefnu cludiant bws am bris ychwanegol - mi fydd manylion yn dilyn ar ôl archebu.

Llety

Ystafell wely “en-suite” sydd yn cysgu hyd at chwech neu wyth.

Cyfleusterau

Mae cyfleusterau te a choffi ar gael drwy gydol y dydd, gyda lolfa bwrpasol er mwyn ymlacio gyda’r nos. Mae cysylltiad i’r wi-fi ar gael ar draws y safle. 

Bwyd

Bydd brecwast, cinio, te a swper ar gael gan gynnig dewisiadau iachus a phrydau bwyd maethlon. Defnyddir cyflenwyr a chynnyrch lleol lle mae hynny’n bosib. Gallwn ddarparu ar gyfer anghenion dietegol, alergeddau, cefndir diwylliannol a chredoau crefyddol.