Gweithgareddau

HafanEin Gwersylloedd Pentre Ifan Gweithgareddau

Gweithgareddau

Dysgwch mwy am ein gweithgareddau!

Sesiwn Cynefin: Arfordir

Dewch i ddysgu am fywyd gwyllt yr arfordir gyda chyfle i wylio’r rhywogaethau gwahanol yn eu cynefin naturiol e.e. morloi, crancod, adar y môr. Byddwn ni'n ystyried effeithiau ehangach sbwriel a phlastig morol ar y cynefin yma a sut gallwn weithredu i'w diogelu. Gallwn deilwra gweithgareddau'r sesiwn yn ôl eich anghenion e.e. daearyddiaeth, bioleg, lles.

Taith Creaduriaid y Nos

Ymunwch â ni am daith drwy’r goedwig wrth i’r tywyllwch ddisgyn. Gyda synwyryddion ystlumod a thortsh awn i weld pa greaduriaid y gallwn ddarganfod.

Cewch hefyd brofi byd natur mewn golau newydd (yn lythrennol!) wrth fynd ar daith natur hwyrnos trwy coedwigoedd Pentre Ifan a Thŷ Canol. Gan ddefnyddio golau uwchfioled, sylwch ar wahanol rhywogaethau o blanhigion a thrychfilod mewn sbectrwm o liwiau gwahanol iawn i’r hyn a welir yng ngolau dydd.

Myfyrdod dan Arweiniad

Sesiwn a fydd yn eich ymlacio’n llwyr trwy dawelu’r corff a’r meddwl.

Y Gweithdy Gwastraff

Dysgwch am ble yn union mae ein gwastraff yn mynd, pa mor hir mae'n cymryd i wahanol ddeunyddiau i ddadelfennu a beth allwn ni ei wneud i leihau ein gwastraff a chyflawni bywyd diwastraff. Yn ystod y sesiwn fydd angen i chi weithio gyda'ch gilydd i uwchgylchu casgliad o wastraff i greu rhywbeth defnyddiol/ darn o gelf.

Actifiaeth Creadigol

Mae eich llais yn bwysig- felly gadewch i ni ei glywed! Dyma gyfle i chi i weithredu gan ddefnyddio popeth rydych wedi ei ddysgu a thrafod yn ystod eich ymweliad i weithio fel grŵp i greu darn creadigol- barddoniaeth, cân, darn o gelf, fideo, dawns, araith, placard- gyda’r neges chi eisiau i’r cyhoedd, awdurdodau a llywodraethau ei glywed.

Sesiwn Cynefin: Mynydd

Ar y daith gerdded yma dysgwch am yr amrywiaeth o rywogaethau (bywyd gwyllt/ planhigion) sydd yn byw o fewn y cynefin mynyddig. Byddwch hefyd yn cael cyflwyniad i ddaeareg a threftadaeth y Preselau gan edrych ar berthynas pobl gyda’r cynefin yma trwy'r oesoedd. Gallwn deilwra gweithgareddau'r daith yn ôl eich anghenion e.e. daearyddiaeth, bioleg, llenyddiaeth.

Gwylltgrefft

Dysgwch sut i oroesi yn y gwyllt! Yn y sesiwn yma byddwch yn datblygu sgiliau fel sut i ddechrau tân, creu rhaff, creu lloches, fforio a mwy!

Ffasiwn Gynaliadwy

Yn y gweithdy hwylus yma fydd y preswylwyr yn dysgu am effaith ffasiwn cyflym ar yr amgylchedd a sut gallwn ni helpu’r blaned trwy newid ein hagwedd tuag at ein dillad. Fydd cyfle i chi ymgymryd mewn sialens uwchgylchu dillad a cael sioe ffasiwn hwyl ar ei ddiwedd!

Chwedlau wrth y Gwreichion

Amser i ymlacio o amgylch tân agored wrth wrando ar hen chwedlau a storïau Cymru gyda phaned o siocled poeth.

Sesiwn Cynefin: Coedwig

Yn y sesiwn yma byddwch yn cael cyflwyniad i’r amrywiaeth o rywogaethau (bywyd gwyllt/planhigion) y cynefin hynafol hwn a’r pwysigrwydd o’i diogelu. Byddwn hefyd yn ymweld ag olion a threftadaeth y bobl sydd wedi defnyddio a byw yn y goedwig yn y gorffennol a’u heffaith ar y goedwig. Gallwn deilwra gweithgareddau'r sesiwn yn ôl eich anghenion e.e. daearyddiaeth, bioleg, lles.

Serydda (Gwanwyn, Hydref a Gaeaf)

Syllwch ar wybren y nos gan ddysgu am enwau a chwedlau’r planedau a’r cytserau.

Pridd i’r Plât

Plannu, hadu, compostio, cynhaeafu a bwyta!! Dysgwch am fuddiannau o fwyta’n lleol a’n dymhorol ac am bob agwedd o dyfu bwyd mewn ffordd hwylus a blasus.

Crefftau Gwledig

Cyfle i gael tro ar helygrefft, creu brethyn, gweithio gyda phren neu adeiladu gyda deunydd naturiol.

Twmpath

Mae’n draddodiad! Felly esgidiau dawnsio ymlaen ac ymunwch yn y ddawns!