Hafan > Ein Gwersylloedd  > Pentre Ifan  > Ymweld  > Ysgolion a Grwpiau Ieuenctid  > Diwrnodau Darganfod

Diwrnod Darganfod: Cynaladwyedd 9:30am-2:30pm

Bore     

Yn y sesiwn bore byddwch yn cymryd rhan yn ein Sesiwn Cynefin: Coedwig a fydd yn eich addysgu am amrywiaeth o rywogaethau anifeiliaid, chwilod a phlanhigion a cheir yn y cynefin penodol yma mewn ffordd hwylus ac ymarferol. Yn ystod y sesiwn ceir cyfle am gyfnod o lonyddwch llesol i drochi yng Nghoedwig Tŷ Canol.

Prynhawn

Yn ein gweithdy gwastraff byddwch yn dysgu am ble yn union mae ein gwastraff yn mynd, pa mor hir mae'n cymryd gwahanol ddeunyddiau i ddadelfennu a beth allwn ni wneud i leihau ein gwastraff a chyflawni bywyd diwastraff. Yn ystod y sesiwn fydd angen i chi weithio gyda'ch gilydd i uwchgylchu casgliad o wastraff mewn i rywbeth defnyddiol/ darn o gelf. Byddwn yn gorffen y prynhawn gyda gweithdy byr Actifiaeth Creadigol gyda ffocws ar y thema cynaladwyedd a newid hinsawdd.

 

Diwrnod Darganfod: Cynaladwyedd 9:30am-2:30pm

Diwrnod Darganfod: Cynefin Preseli 9:30am-2:30pm

Bore

Yn y sesiwn bore byddwch yn cymryd rhan yn ein sesiwn blas cynefin coedwig a mynydd a fydd yn eich cyflwyno i agweddau o dreftadaeth, llenyddiaeth, natur a rhywogaethau lleol mewn ffordd hwylus ac ymarferol. Yna byddwn yn ymgasglu o gwmpas y tân i drafod y sialensiau sydd yn wynebu’r ardal a’r rhai sydd yn byw ynddi.

Prynhawn

Mae dau opsiwn.

Opsiwn A: Gallwch fwynhau sesiwn Crefftau Gwledig lle gewch flas ar grefftau traddodiadol fel helygrefft, lliwio naturiol a gweithio gyda gwlân.

Opsiwn B: Gallwch ymgymryd yn ein sesiwn blas pridd i’r plât a fydd yn eich cyflwyno i agweddau o dyfu bwyd a bwyta’n lleol a thymhorol.

Byddwn yn gorffen y prynhawn gyda gweithdy byr Actifiaeth Creadigol gyda ffocws ar faterion lleol.

Diwrnod Darganfod: Cynefin Preseli 9:30am-2:30pm

Diwrnod Darganfod: Lles 9:30am-2:30pm

Bore  

Byddwn yn dechrau'r dydd trwy gael trafodaeth a sgwrs o amgylch y tân i rannu profiadau, phryderon a’r hyn mae pawb eisiau o’r dydd. Yna awn am dro i goedwig Tŷ Canol i fwynhau cyfnod o fyfyrdod o drochi yn y goedwig. Tra yn y goedwig byddwn yn casglu deunydd ar gyfer y sesiwn nesaf. Awn yn ôl i’r gwersyll am sesiwn greadigol gan ddefnyddio'r hyn a gasglwyd yn y goedwig i greu darn o gelf.

Prynhawn

Wedi cinio awn allan i’r ardd i drochi ein dwylo yn y pridd a dysgu am bob agwedd o dyfu bwyd a dysgu am fuddiannau bwyta gyda’r tymhorau. Cawn hefyd ddysgu am fuddiannau llesol perlysiau gwahanol trwy eu bwyta, eu harogli a'u hyfed. Byddwn yn gorffen y prynhawn gyda chyfnod arall o fyfyrdod o amgylch y tân gyda the perlysiau neu siocled poeth blasus.

 

Diwrnod Darganfod: Lles 9:30am-2:30pm