Hafan > Eisteddfod a'r Celfyddydau  > 2024

Mynediad am ddim i deuluoedd incwm is i Faes Eisteddfod yr Urdd Maldwyn 2024

 

Eleni, mae’r Eisteddfod yn cael ei chynnal yn Meifod rhwng y 27ain o Fai a’r 1af o Fehefin. Yn dilyn cymorth ariannol gan Lywodraeth Cymru, mae’r Urdd yn falch o allu cynnig mynediad am ddim i deuluoedd incwm is i Faes yr Eisteddfod.

Bydd tocynnau Eisteddfod yr Urdd 2024 ar gael i'w archebu yn fuan. Byddwn hefyd yn rhannu mwy o fanylion ar sut i dderbyn y tocynnau incwm is cyn bo hir.

Pwy sy’n cymhwyso ar gyfer y tocynnau yma?

Rydych yn gymwys am docynnau am ddim i chi a’ch teulu i Faes yr Eisteddfod os ydych chi’n derbyn un o’r canlynol:

•            Cymhorthdal Incwm 

•            Lwfans Ceisio Gwaith yn Seiliedig ar Incwm

•            Lwfans Cyflogaeth a Chymorth yn Seiliedig ar Incwm

•            Cymorth o dan Ran VI o Ddeddf Mewnfudo a Lloches 1999

•            Elfen warantedig Credyd Pensiwn

•            Credyd Treth Plant

•            Credyd Treth Gwaith

•            Credyd Cynhwysol

•            Aelodaeth Urdd £1

Sut mae’r Tocynnau yma’n gweithio?

  • Bydd gan pob diwrnod o’r wythnos docyn arbennig i’r diwrnod hwnnw
  • Bydd y tocynnau yma yn gyfyngedig i 6 y dydd i pob teulu incwm is
  • Byddwch angen tystiolaeth o'r meini prawf rydych yn cwrdd
  • Yn dilyn gwirio y ceisiadau, byddwn yn ebostio eich tocynnau atoch yn nes at amser yr Eisteddfod
  • Bydd tocyn dydd Iau, Gwener a Sadwrn yn rhoi mynediad am ddim i Ŵyl Triban hefyd

Sut ydw i’n cael tocynnau incwm is?

  1. Ewch i'n system docynnau yma a dewiswch eich diwrnod/au 
  2. Wrth gwblhau eich archeb, bydd rhaid i chi nodi pam eich bod yn gymwys
  3. Byddwch yn derbyn ebost yn cadarnhau eich cais
  4. Bydd eich tocyn / tocynnau yn cael eu hanfon atoch chi yn dilyn y cyfnod gwirio
  5. Bydd angen i chi ddod a tystiolaeth o pam eich bod chi'n gymwys i'r Eisteddfod