Croeso i dudalen Cwiar na Nog, cymuned LHDTC+ yr Urdd!

Cafodd Cwiar na Nog ei lansio yn ddiweddar ar Faes Eisteddfod yr Urdd yn Sir Gaerfyrddin. Mae Cwiar na Nog yn gymuned LHDTC+ ar gyfer aelodau'r Urdd.

Wrth fod yn rhan o Cwiar na Nog, bydd cyfle i ti gymdeithasu, rhannu syniadau ac ymuno gyda ni mewn digwyddiadau fel Pride Cymru gydag unigolion eraill sy'n rhan o'r gymuned LHDTC+. Fel mudiad, rydym yn awyddus i glywed dy lais di ac i gyrraedd ein nod o Urdd i Bawb.

Roedden ni'n falch iawn o ardal Cwiar na Nog ar y Maes eleni. Roedd yr ardal yn ofod diogel i blant a phobl ifanc gymdeithasu a rhwydweithio, a dysgu mwy am eu hunaniaeth drwy’r iaith Gymraeg. Roedd gweithdai a digwyddiadau yno drwy’r wythnos, bathodynnau rhagenwau ar gael i’w prynu, ac artistiaid cwiar hefyd yn rhan flaenllaw o lein-yp Gŵyl Triban!