Dug Caeredin Efydd

Gallwn ddarparu hyfforddiant ac alldeithiau i'r Wobr Dug Caeredin Efydd, yn ogystal ag unrhyw hyfforddiant i athrawon neu staff.

Ydych chi'n ddisgybl sydd eisiau gwneud alldaith Dug Caeredin ond does dim cyfle yn eich ysgol? Neu chi methu cyfranogi ar ddyddiadau'r Ysgol? Ymunwch ar alldaith agored!

Ydych chi wedi penderfynu cynnig Y Wobr Dug Caeredin yn eich ysgol neu sefydliad chi? Oes angen cymorth arnoch chi i redeg Y Wobr?

Fel Darparwr Gweithgaredd Anturus cydnabyddedig, gallwn gynnig mentora a chymorth yn ogystal â staff ac aseswyr cymwys a phrofiadol, i helpu'ch cyfranogwyr cyflawni'r uned alldeithio.

Cysylltwch efo ni i ddarganfod sut mae'r Gwasanaeth yn gallu helpu chi cynnig y cyfle anhygoel yma i bobl ifanc

Alldeithiau Agored Efydd - De Cymru

Cost ar gyfer pecyn llawn Efydd yn dechrau o £175pp, yn dibynnu ar y nifer o gyfranogwyr. Mae'r gost yma'n cynnwys:

Trafnidiaeth
Llogi offer*
Ffi gwersylla
Hyfforddwyr ac aseswyr gymwys
Hyfforddiant a goruchwyliaeth dydd a nos

*Offer ar gael: Pabell, sach gefn, mat cysgu, stof coginio, map a chwmpawd

Cofrestrwch 2025

MAE COFRESTRU I ALLDEITHIAU 2025 AR AGOR MIS IONAWR

Nodwch - bydd angen eich rhif edofe i lenwi’r ffurflen ar-lein. Mae rhaid i chi gofrestru gyda Sefydliad Trwyddedig, eg Ysgol neu grŵp ieuenctid, cyn gallu cofrestru ar alldeithiau'r Urdd. Plîs cysylltwch gyda'r Wobr Dug Caeredin os ydych yn ansicr ar sut i wneud hyn.

Plîs sicrhewch eich bod chi'n llenwi a thicio pob bocs ar y ffurflen, yn ogystal â mewnbynnu eich manylion cerdyn, cyn gwasgu 'submit'.

Barod i gofrestru? Cliciwch y botwm gwyrdd uchod i dalu blaendal am le ar ein pecyn Efydd. Gwiriwch y dyddiadau cyn bwcio - mae'n bwysig eich bod chi'n cyflawni pob dyddiad er mwyn llwyddo. Mae'r pecyn yn cynnwys 2 ddiwrnod hyfforddiant ac alldaith 2 ddiwrnod gyda gwersylla.

Ar ôl cofrestru, byddaf mewn cyswllt i rannu mwy o wybodaeth am y diwrnodau hyfforddiant ac alldaith. Bydd hwn yn cynnwys llyfr gwybodaeth Dug Caeredin Efydd, efo gwybodaeth lleoliadau, amseroedd ac offer ar gyfer yr alldaith.

Dyddiad cau i gofrestru ar ein pecyn Efydd yw Mawrth y 1af

Os oes gennych unrhyw gwestiwn, plîs cysylltwch trwy'r gwefan neu ar e-bost ar emmarichards@urdd.org a byddaf yn hapus i'ch helpu.

I gwblhau'r alldaith Efydd, mae nifer o bethau bydd angen i chi gyflawni:

Rhaid cymryd rhan yn y diwrnodau hyfforddiant, dim ots faint chi'n gwybod yn barod - prif bwrpas yw i ddod i'ch adnabod a rhannu gwybodaeth bwysig yn barod am yr alldaith.

Dilyn Gofynion yr Alldaith sydd wedi'i setio gan y Wobr Dug Caeredin, sy'n cynnwys:

- Cerdded fel grŵp o 4-7 aelod

- Fel grŵp, ysgrifennu cynllun bwyd a cherdyn cerdded i bob diwrnod am yr alldaith!

- Fel grŵp, cyflawni nod penodol dros yr alldaith

- Hunangynhaliol am yr holl amser, a cherdded yw eich ffordd o deithio!

- Gwersylla dros nos