Dathlu Gwyl Ddewi 2025: Efrog Newydd, Washington DC a Philadelphia

Dyma gyfle arbennig i bedwarawd o aelodau'r Urdd i berfformio mewn Digwyddiadau Gŵyl Ddewi America 2025!

 Mae hwn yn gyfle unigryw i bedwarawd o gantorion talentog rhwng 21 a 25 oed i berfformio yn Efrog Newydd, Washington DC a Philadelphia fel rhan o ddathliadau Dydd Gŵyl Dewi Cymdeithasau Cymry Gogledd America.

Dyddiad y daith: 21 Chwefror - 3 Mawrth 2025

Rhaid ymgeisio fel grŵp o bedwar a bydd angen i’ch grŵp berfformio gydag ystod o leisiau gwahanol - Alto, Soprano, Tenor a Bas.

Mi fyddwch yn teithio yn enw'r Urdd gyda chostau teithio, llety a bwyd wedi’u talu gan Gymdeithasau Gogledd America a’r Urdd. Mi fydd aelod o staff yr Urdd yn dod gyda chdi, a mae cyfle i chi hefyd dod a cyfeilydd gyda chi. 

Mwynhau canu? Yn grŵp o ffrindiau neu aelodau o aelwydydd? Manteisiwch ar y cyfle unigryw yma i berfformio mewn amryw o ddigwyddiadau Gŵyl Dewi yn America yn ogystal â chyfle anhygoel i ymweld â rhai o ddinasoedd enwocaf yr UDA!

Bydd angen i’r ymgeiswyr llwyddiannus fod rhwng 21-25 mlwydd oed ar y 21 Chwefror gyda phasbort dilys (6 mis o ddyddiad ar ôl). Os oes llai na 6 mis ar ôl gennych, ymgeisiwch am un newydd ar-lein mor fuan a phosib.

Rydyn ni’n disgwyl nifer fawr iawn o geisiadau, i gynorthwyo ni gyda’r gwaith, plîs sicrhewch eich bod wedi llenwi’r ffurflen ymgeisio yn llawn ac yn anfon eich fideos drwy WeTransfer neu rannu linc DropBox / WeTransfer i ni lawr-lwytho. Rhowch y wybodaeth yma yn y ffurflen ymgeisio os gwelwch yn dda. Anfonwch fideos unigol o bob aelod, yn ogystal â fideo o’r pedwarawd yn perfformio gyda’i gilydd.

Mae'r cyfle'n agored i bawb sy'n aelod o'r Urdd felly ewch amdani - rhowch gais i mewn cyn 12pm 15 Rhagfyr.

Dyddiad Cau: 15 Rhagfyr | 12  - hanner nos