Teitl y Swydd:  Rheolwr Partneriaethau Cyflogwyr a Datblygu Busnes Prentisiaethau

Math o gontract:  Cyfnod Mamolaeth - Cytundeb blwyddyn (Ionawr - Rhagfyr 2025)

Ystyriwn geisiadau secondiad o sefydliadau eraill neu o fewn yr Urdd.

Graddfa:  Gweithredol 6: £34,866 - £40,685

Lleoliad: Un o swyddfeydd yr Urdd, ac yn gweithio ar draws Gymru

Dyddiad Cau:  04/11/24 am hanner nos

Dyddiad Cyfweld:  w/c 11/11/24

Swydd Ddisgrifiad - Cliciwch yma

Y Swydd

Mae’r rôl hon yn allweddol i waith Adran Brentisiaethau’r Urdd ac yn gyfle i unigolyn gwneud ei farc dros gyfnod o flwyddyn. Byddech yn gyfrifol am reoli ein partneriaethau gyda chyflogwyr amrywiol ar draws Cymru ac yn gweithio tuag at greu perthnasau newydd. Mae’r gallu i siarad gyda phartneriaid o wahanol sectorau a rhannau o Gymru, mewn modd proffesiynol yn hanfodol.

Ystyriwn geisiadau arferol a secondiadau gan gwmnïau eraill neu o fewn yr Urdd. Byddem hefyd yn hapus i drafod patrymau gweithio hyblyg ar gyfer y swydd hon.

Rydym yn croesawu ceisiadau o unrhyw ran o Gymru.

Am fwy o fanylion cysylltwch â’r Pennaeth Prentisiaethau Catrin Davis ar catrindavis@urdd.org

Anfonwch Ffurflen Gais yr Urdd â'r Ffurflen Cyfle Cyfartal ar e-bost at swyddi@urdd.org

Mae’r Urdd yn cefnogi a hyrwyddo cydraddoldeb ac amrywiaeth yn ein holl waith a gweithgareddau. Rydym yn croesawu ac yn annog ceisiadau gan bawb o bob cefndir a chymuned, gan gynnwys grwpiau sydd wedi'u tangynrychioli ar hyn o bryd yn ein gweithlu fel pobl o bobl Dduon, Asiaidd a Lleiafrifoedd Ethnig, pobl LHDTI+ a phobl anabl.

Amdanom ni

Mae’r Urdd yn fudiad unigryw ac ers 1922 wedi cynnig profiadau gwerthfawr i fwy na 4 miliwn o blant a phobl ifanc yng Nghymru drwy feysydd Chwaraeon, Celfyddydol, Preswyl, Dyngarol, Rhyngwladol a Gwirfoddol.

Rydym wedi meithrin cenedlaethau o ferched a dynion ifanc i fod yn falch o’u gwlad, yn agored i’r byd ac yn ymgorfforiadau o’n hiaith a’n diwylliant, yn ogystal â meddu ar y gwerthoedd byd-eang y parchir yng Nghymru.

Dyma felly ddatgan ein huchelgais i barhau i ymestyn cyrhaeddiad ac effaith ein gwaith a’r bobl ifanc Cymru. Mae hyn yn allweddol os ydym am i’r Gymraeg fod yn ganolog ym mywydau plant a phobl ifanc ein gwlad, a sicrhau fod pawb yng Nghymru, boed yn siaradwyr Cymraeg ai pheidio, yn teimlo perchnogaeth ac ymdeimlad o berthyn tuag at yr iaith a’i thraddodiadau.