Adnewyddu Aelodaeth – Arweinwyr cangen

Gallwch adnewyddu unrhyw aelodaeth y gwnaethoch chi ymuno drwy’r gangen llynedd. Gan eich bod wedi creu cyfri Porth yn barod, yr unig beth sydd angen i chi wneud ydi mewngofnodi i’r Porth gyda’ch cyfeiriad e-bost a chyfrinair.

Ar ôl mewngofnodi, bydd gofyn i chi wirio eich manylion yn “Fy Mhroffil”, ac yna fe gewch fynediad i “Adnewyddu Aelodaeth y Gangen” yn y ddewislen. Gallwch adnewyddu sawl aelod ar y tro a thalu amdanynt yn y ffyrdd arferol. Sylwch – mae swyddfa Aelodaeth yr Urdd bellach yn Llangefni, Ynys Môn, felly i fanno mae angen anfon sieciau erbyn hyn. Bydd y cyfeiriad llawn yn yr e-bost wedi i chi ddewis “Talu gyda siec”.

Gallwch hefyd ymaelodi plant o’r newydd gan ddilyn yr un drefn â llynedd.

Wedi anghofio eich cyfrinair?

Peidiwch â phoeni, cliciwch ar “Wedi anghofio dy gyfrinair?” ar y dudalen mewngofnodi er mwyn creu un o’r newydd.