Gwersyll Llangrannog

Cysgu: 450

Ymweliadau: Llun-Gwener a phenwythnosau ar gael.

Yn edrych dros fae godidog Ceredigion, rydym wedi’n lleoli ar lwybr arfordir Cymru. Mae’r gwersyll yn cynnig amrywiaeth o gyrsiau, gweithgareddau a theithiau preswyl i blant ac i bobl ifanc.

Yn arbenigo mewn gweithgareddau antur, mae cyfle i wibio lawr llethr sgïo, rasio ceirt modur, mentro ar y cwrs rhaffau neu fwynhau taith ar gefn y merlod. Mae digon i’w wneud yma dan do hefyd, o’r pwll nofio i’r wal ddringo.

Pam mae ysgolion wrth eu bodd gyda Gwersyll Llangrannog?

• Croeso cynnes, bwyd ardderchog a thafliad carreg o un o draethau gorau Cymru.
• Mae dros 450 o wlâu yn y gwersyll, felly mae digon o le i ysgolion cyfan ar ymweliad.
• Gyda dros 25 o weithgareddau gwahanol mae dewis eang i blant a phobl ifanc gael dysgu a datblygu drwy antur. Gallwch deilwra’r amserlen weithgareddau i’ch gofynion chi.

Cysylltwch i drafod ymhellach! 01239 652140

Mae ein Diwrnodau Hwyl yn llawn hwyl ac antur, gyda gweithgareddau yn addas i blant 8-12 oed.

6 gweithgaredd a chinio twym
9.30-16:00, £45

Mae’n hanfodol eich bod yn cofrestru eich plentyn ymlaen llaw i sicrhau argaeledd.

Y gwyliau teulu perffaith! Cyfle i chi a’ch teulu ymlacio a mwynhau’r holl weithgareddau sydd gan y Gwersyll i’w cynnig, ynghyd a phedwar pryd blasus y dydd, a dim golchi llestri!

Dyddiadau 2026

Gwyliau Teulu Hygyrch: Mae’r Gwyliau Teulu yma yn dawelach gyda nifer cyfyngiedig o lefydd, gyda prydiau bwyd hirach, amseroedd gweithgareddau hirach, er mwyn gwneud y gwyliau yn fwy hygyrch i blant a anghenion ychwanegol.

Dyddiadau ddim yn addas? Os nad yw’r dyddiadau yma’n gyfleus, gallwn deilwra gwyliau i griw o deuluoedd, unrhyw dro yn ystod gwyliau’r ysgol.

Prisiau 2026

Cyn archebu: Mae modd i chi archebu le ar gyfer mwy nag un teulu ar y tro. Cofiwch nodi enw’r teulu yn gywir ac oedrannau’r plant yn gywir. Bydd angen £100 o flaendal ar gyfer pob teulu, hyd yn oed ar yr un archeb. Mae archeb ar gyfer UN teulu yn golygu UN ystafell en-suite. Mae modd archebu ystafell ychwanegol am ffi bach ychwanegol.

Yn ogystal â diwrnod llawn gweithgareddau mae cinio twym yn gynwysedig yn y pris.

9.30-16:00

Prisiau:
Oedolyn £45
Plentyn 8-17 £45
Plentyn 3-7 £30
Plentyn 2 ac iau £0 (am ddim)

Mae’n hanfodol eich bod yn cofrestru ymlaen llaw i sicrhau argaeledd.

Glaw neu hindda mae’r cwrs rhaffau uchel a’r wal ddringo yn le arbennig i herio’ch nerfau! Prisiau yn amrywio o £7 i £15 y pen yn ddibynnol ar hyd y sesiwn, maint ac oedran y grŵp. Cysylltwch efo ni i gael manylion argaeledd y ganolfan.

Mae’r Ganolfan Ferlota ar gael i’w llogi ac mae’n cynnwys ysgol tywod silica 23m x 43m a man gwylio a pharcio am £15 yr awr.

Mae Canolfan Hamdden Syr Ifan yn gyfleuster chwaraeon arbennig, gyda neuadd chwaraeon, pedwar cwrt badminton, cae astro a chae chwarae llawn naturiol.

Cysylltwch â ni er mwyn hurio’r neuadd chwaraeon neu’r cae astro.

Oriau agor (hyd at hanner tymor Hydref)

• Llun: 17:00-21:00
• Sul: 14:00-17:00

Archebu gwersi preifat neu grŵp: cadarnhawch eich dyddiad/amser, enw, rhif cyswllt a lefel gallu.

Nid oes angen archebu ar gyfer sgïo rhydd.

Rhif ffôn: 01239 652156

Ar brynhawn dydd Sul ac yn ystod gwyliau ysgol cynigwn fan delfrydol ar gyfer partïon o bob math!

O Abergwaun i SA44 6AE

Dilynwch yr A487 neu A44 i Abergwaun cymerwch yr heol i Aberteifi (A487)
Wrth gyrraedd Aberteifi:
Cylchdro – cymerwch yr 2il troad i’r chwith
Cylchdro – cymerwch yr ail troad i’r chwith (heol Aberystwyth)
Gyrrwch am tua 14 milltir hyd nes cyrraedd pentref Brynhoffnant
Yn y pentref trowch i’r chwith (B4334 – heol gul gyferbyn a’r ‘Garej Petrol/Siop Londis’) a dilynwch arwyddion Gwersyll yr Urdd
Wrth gyrraedd croes-fan trowch i’r dde tuag at pentref Pontgarreg
Wrth cyrraedd arwydd pentref Pontgarreg trowch i’r chwith
Ar gyrraedd croes-fan gyrrwch yn sydd ymlaen
Gyrrwch heibio’r hen adeiladau fferm yna byddwch yn cyrraedd prif adeiladau’r Gwersyll
Ar ôl parcio yn y prif faes-parcio, cerddwch heibio’r atalfeydd. Edrychwch i’ch dde a gwelir y derbynfa trwy’r cyntedd gwyrdd efo ‘CROESO’ uwchben y drws.

O Gaerfyrddin i SA44 6AE

O’r cylchdro Pensarn ar heol A48, cymerwch y 3ydd allanfa. Ar y cylchdro nesaf, cymerwch yr 2ail allanfa, ar y cylchdro nesaf cymerwch yr allanfa 1af. (Dilynwch yr arwyddion am A485 Llanbedr Pont Steffan).
Cylchdro – cymryd yr ail allanfa (A485)
Ar ôl pentref Alltwalis ewch heibio Garej ‘Windy Corner’ a throwch i’r chwith am bentref Pencader (B4459)
Ewch trwy Bencader ac ar ôl fynd heibio arwydd ‘Cambrian Pet Foods’ trowch i’r chwith (heol gul)
Wrth gyrraedd y gyffordd ar ddiwedd yr heol trowch i’r chwith (B4336) am Landysul
Yn Llandysul ar y cylchdro cyntaf cymerwch yr ail allanfa, gan ddilyn yr arwydd am Gei Newydd, ar yr ail cylchro ar ben y rhiw cymerwch yr ail allanfa, gan ddilyn yr arwydd am Gei Newydd eto.
Ar ôl gyrru trwy bentrefi Horeb, Croeslan a Bwlchygroes byddwch yn cyrraedd pentref Ffostrasol
Yn Ffostrasol cymerwch yr ail gyffordd i’r chwith (heol gul rhwng y tafarn a’r siop) hyd nes cyrraedd pentref Plwmp
Yn Plwmp trowch i’r chwith (A487 heol Aberystwyth-Aberteifi) am tua 1 milltir hyd nes cyrraedd pentref Pentregat
Yn Pentregat, trowch i’r dde (B4321 a dilynwch arwyddion i’r Llethr Sgïo) bydd yr heol hyn yn eich arwain trwy bentref Pontgarreg
Ar ôl Pontgarreg trowch i’r dde yn y groesffordd
Gyrrwch heibio’r hen adeiladau fferm yna byddwch yn cyrraedd prif adeiladau’r Gwersyll
Ar ôl parcio yn y prif faes-parcio, cerddwch heibio’r atalfeydd. Edrychwch i’ch dde a gwelir y derbynfa trwy’r cyntedd gwyrdd efo ‘CROESO’ uwchben y drws.