Eich ymweliad

Arhoswch gyda’ch gilydd mewn llety hunangynhwysol, gyda golygfeydd dros Lyn Tegid ac anturiaethau awyr agored Eryri ar garreg eich drws.

Gellir trefnu arhosiad yn Glan-llyn Isa’ sy’n hyblyg i chi. Mae’r lleoliad yn berffaith addas ar gyfer gweithgareddau awyr agored sy’n manteisio ar adnoddau naturiol yr ardal, neu’n addas ar gyfer arhosiad preswyl yn unig.

Byddai croeso i chi fanteisio ar amrywiol weithgareddau Gwersyll Glan-llyn, gan gynnwys: Dringo, Cwrs rhaffau, Saethyddiaeth, Adeiladu rafft, Canwio, Cerdded afon, Cyfeiriannu, Datrys problemau, Padl fyrddio, Gwylltgrefft, Nofio, Teithiau cerdded.

Taith Rhithiol Glan-llyn Isa

Cymerwch daith rhithiol o’r safle cyn archebu eich arhosiad.

Taith Rhithiol

Gweithgareddau

Dringo

Cwrs rhaffau

Saethyddiaeth

Adeiladu rafft

Canwio

Cerdded afon

Caiacio

Datrys problemau

Cyfeiriannu

Padl fyrddio

Gwylltgrefft

Nofio

Teithiau cerdded

Rhagor

Llety a Chyfleusterau

Mae Glan-llyn Isa yn lety modern, hunan-ddarpar sy’n ddigon agos i fanteisio ar adnoddau prif wersyll Glan-llyn ond hefyd yn medru cynnig y profiad o lety anibynnol.

Mae llety ar gyfer 40 person yng Nglan-llyn Isa’, wedi eu rhannu i 10 ystafell wely, 4 llofft ar y llawr gwaelod a 6 llofft ar y llawr cyntaf.

Mae toiledau a chawodydd yn cael eu rhannu, ac wedi eu lleoli ar y ddau lawr. Mae’r gwlâu yn gyfuniad o wlâu sengl, gwlâu bync a 4 gwely dwbl, a’r ystafelloedd yn amrywio o ystafelloedd sengl i ystafelloedd 8 gwely.

Mae cyfleusterau cegin yng Nglan-llyn Isa’ sy’n addas ar gyfer gwasanaeth arlwyo neu drefniant hunan-arlwyo, ac mae Lolfa Prys yn ardal gymunedol â lle i 36 person i fwyta ac ymlacio. Mae teledu a llosgwr coed yn y lolfa, ac mae WIFi trwy’r ganolfan gyfan.

Mae gardd eang yng nghefn y tŷ sy’n cynnwys ardaloedd cysgodol i eistedd, ardal fwyta, cegin awyr agored sy’n cynnwys popty pizza, crochan, barbeciw, oergell a sinc, yn ogystal â golygfeydd bendigedig o’r ardal leol.

Mae ardal barcio o flaen y tŷ ar gyfer ceir a bysiau mini, ond gofynnir i ymwelwyr gofrestru yng Ngwersyll Glan-llyn yn gyntaf cyn symud ymlaen i Lan-llyn Isa.

Mae Caban Sychu Dillad, Storfa Fagiau a Storfa Offer Awyr Agored ar gael i chi ddefnyddio.

Grwpiau addas

Hanes

Hyd at y 1940au roedd tai a ffermydd ardal Llanuwchllyn yn rhan o Stad Glan-llyn oedd yn eiddo i Syr Watkin Williams Wynne. Roedd Plas Glan-llyn yn cael ei ddefnyddio fel ‘shooting lodge’ gan ffrindiau Syr Watkin, gyda’r byddigion yn cael eu cludo ar y tren o’r stad yn Rhiwabon a glanio yn y Flag Station gyferbyn a’r Gwersyll. Roedd Glan-llyn Isa yn gartref i stiward y stad, y mwyaf diweddar ohonynt yn ddynes o’r enw Miss Cotton sydd yn cael ei chofio yn lleol fel rhywun yn gwisgo dillad ‘dynion’ – ‘plus fours’ a ‘het deerstalker’. Dyma lle byddai tenantiaid y stad yn mynd i dalu rhent.

Pan ddaeth Glan-llyn i ofal Urdd Gobaith Cymru yn y 1950au fe ddefnyddiwyd Glan-llyn Isa fel llety ar gyfer bechgyn (gyda’r merched yn cysgu yn y Plas), ac yna o’r 1960au ymlaen fe ddefnyddiwyd Glan-llyn Isa yn gartref i benaethiaid Glan-llyn a’u teuluoedd, gyda’r adeilad wedi ei rannu yn ddwy fflat. O tua 1990 ymlaen bu’r adeilad yn lety i ddegau o staff gweithgareddau y Gwersyll.

Yn dilyn datblygiadau a gwblhawyd yn 2020 mae Glan-llyn Isa yn ganolfan hunan-ddarpar – yn ddigon agos i fanteisio ar adnoddau y prif wersyll ond hefyd ddigon arwahan i gynnig profiad o lety anibynnol.

Cysylltwch â ni

Ar gael ar gyfer ymweliadau dydd a phreswyl. Cysylltwch â ni i drafod eich anghenion a’ch cyllideb.

Cysylltwch â ni
Urdd - Llangrannog

Ein gwersylloedd

O lannau Llyn Tegid i arfordir Ceredigion, o Fryniau Preseli i Fae Caerdydd, mae ein gwersylloedd yn cynnig profiadau preswyl mewn rhai o leoliadau mwyaf arbennig Cymru.

Ein gwersylloedd