Dewch i’n gweld

Gallwn eich cefnogi drwy gyfuno’r cwricwlwm gyda antur, gweithgareddau diwylliannol, lles a’r amgylchedd.

Gyda dros 850 o ysgolion Cymru yn ymweld yn flynyddol a 85% o’r rhain yn dychwelyd blwyddyn ar ôl blwyddyn, mae ein enw da gyda addysgwyr Cymru yn siarad drosto’i hun.

Cyfle i deuluoedd a ffrindiau ddod at ei gilydd i fwynhau’r holl weithgareddau sydd gan ein gwersylloedd i’w cynnig, ynghyd â phedwar pryd o fwyd y dydd… a dim golchi llestri!

Cyfle i’ch plentyn ddod i un o’n gwersylloedd am y dydd yn ystod gwyliau’r ysgol.

Rydym yn deall pwysigrwydd gofalu am eich gweithlu. Mae ein diwrnodau adeiladu tîm yn cynnig llawer o fanteision gan gynnwys, gwella cymhelliant, cydweithio, cyfathrebu, morâl, sgiliau gwneud penderfyniadau, creadigrwydd a lles.

Cyfle i’ch plentyn fwynhau gwyliau annibynnol i ffwrdd o adref dros yr haf o dan ofal staff profiadol yr Urdd.

Dewiswch o 19 gwersyll sydd yn cael eu cynnal drwy gydol gwyliau’r haf ar gyfer plant o 8-18 oed yn un o’n pedwar canolfan.

Beth i bacio?

• Sach gysgu 
• Dillad nos, bag ymolchi a thywel 
• Dillad sbâr gan gynnwys siwmper gynnes ac anorac neu got law 
• Dillad chwaraeon 
• Dillad nofio (bydd y gwersyll yn rhoi gwybod i chi o flaen llaw os oes angen) 
• Esgidiau addas ar gyfer cerdded 
• Bag dydd i gario pecyn bwyd

Gwnewch yn siŵr bod enw eich plentyn ar bob dilledyn / eiddo. 

Beth sydd ddim ei angen: Peidiwch â gadael i blant ddod ag eiddo personol drud fel ipods, ffonau symudol, consolau gemau, ac ati i’r gwersyll. Oherwydd rheolau Iechyd a Diogelwch, cyllell boced, chwistrellau aerosol (defnyddiwch diaroglydd rholio), peiriannau trydanol symudol e.e. sychwyr wallt, sythwr gwallt, haearn smwddio. 

Gellir gadael unrhyw eiddo gwerthfawr yn swyddfa’r gwersyll i’w cadw’n ddiogel e.e. camerâu, oriawr, arian ac ati a’u defnyddio yn ôl yr angen. 

Nodwch nad yw Gwersylloedd yr Urdd yn cymryd cyfrifoldeb am unrhyw eiddo personol. 

Ffôn: Gofynnwn i chi beidio trefnu i’ch plentyn ffonio adref ar ddechrau’r gwersyll. Oni bai y clywch oddi wrthym fe fyddwch yn gwybod bod eich plentyn yn iach ac yn mwynhau. Gallwn eich sicrhau os y bydd angen cysylltu â’r rhieni (e.e. salwch neu hiraeth drwg) fe fyddwn yn gwneud hynny’n syth. 

Os byddwch am anfon neges at eich plentyn gallwch wneud hynny a trwy swyddfa’r gwersyll. Mi fyddwn yn hapus iawn i drosglwyddo’ch neges. 

Problemau: Gall eich plentyn ymweld â phrif swyddfa’r gwersyll pe bai unrhyw broblemau’n codi fel y gellir delio â’r mater ar unwaith. 

Tystysgrif iechyd: Mae’n hanfodol bod pob rhiant / gwarcheidwad yn cwblhau tystysgrif iechyd ar ran y plentyn. Bydd yn cael ei anfon atoch chi cyn i’r gwersyll ddechrau. Nodwch fanylion unrhyw salwch neu broblem a allai fod gan y plentyn, a rhif ffôn pe bai angen i ni gysylltu gyda chi.