Gwasanaeth Awyr Agored

Mae cerdded afon yn antur sy’n cyfuno dringo, sgramblo a dŵr gwyn mewn lleoliadau trawiadol ledled Cymru, a’n hyfforddwyr yn teilwra ac arwain y profiad ar gyfer pob oed a gallu.

Rydym yn cynnig cyrsiau preswyl yn Nglan-llyn i gyflawni amrywiaeth o unedau ymarferol a/neu ddamcaniaethol cyrsiau BTEC, o dan arweiniad a gofal ein swyddogion. Gallwn greu preswyl i gyfateb â chyrsiau eich ysgol chi.

Gweithgaredd sy’n hybu unigolion i fentro allan ac archwilio yn eu cymunedau lleol gan ddefnyddio amryw o fapiau cyfeiriannu.

Yn amrywio o wersi cychwynnol i sesiynau technegol, mae modd teilwra gweithgaredd canŵio/ceufadu ar gyfer eich gofynion chi. Mae modd cynnal y gweithgareddau yma ar afonydd a llynnoedd ar hyd a lled Cymru. Gallwch hefyd weithio tuag at rai o achrediadau gwobrau seren BCU (British Canoe Union).

Yn ogystal â sesiynau blasu dringo allanol a dan do, gallwn hefyd gynnal cyrsiau penodol sydd yn canolbwyntio ar feithrin sgiliau dringo. Rydym hefyd yn cynnig achrediad penodol ar gyfer dringo dan do sef gwobr NICAS.

Rydym yn darparu achrediadau Mountain Training Cymru (Sgiliau bryniau a sgiliau Mynydd) sydd yn amrywio o rai ar gyfer dechreuwyr hyd at rhai sydd gyda mwy o brofiad.

Os nad ydych am weithio tuag at achrediad, gall ein hyfforddwyr profiadol arwain eich grŵp ar amryw o deithiau cerdded lleol.

Anturiaethau y gellir eu cyflawni yn eich ardal leol neu ar dir yr ysgol. Bwriad Antur Fach yw datblygu dealltwriaeth dysgwyr o’u cynefin naturiol a diwylliannol. 

Gallwn greu rhaglen sydd wedi’i theilwra’n benodol ar gyfer anghenion/gofynion eich ysgol gan wneud defnydd o’r lleoliadau sydd ar gael yn eich ardal.