Gwersyll Pentre Ifan

Cyrsiau Preswyl 2 dydd, 1 noson (pris yn cynnwys llety, bwyd a gweithgareddau)

*Pris Arbennig o £80 y pen am dyddiadau Tachwedd – Ionawr

Cyrsiau Preswyl 3 dydd, 2 noson (pris yn cynnwys llety, bwyd a gweithgareddau’r gwersyll)

• Dihangfa Lles a Natury: £141 y pen*
• Galwad y Gwyllt: £141 y pen*

*Pris arbennig o £135 y pen yn Rhagfyr a Ionawr.

Fedrwn hefyd helpu chi drefnu gweithgareddau ychwanegol megis arfordiro, padlfyrddio a tripiau cwch yn yr ardal.

Sesiynau mewn Ysgolion (Medi- Mawrth)

• Sesiwn Gwylltgrefft
• Sesiwn Dysgu Cymraeg trwy Natur
• Sesiwn Cynaliadwyedd
• Sesiwn Nadolig Diwastraff
• Sesiwn Gofal Natur
• Sesiwn Pridd i’r Plât- Tyfu Bwyd

Pris: Hanner dydd am ddosbarth hyd at 30 – £8.50 y pen.
Os ydych chi’n bwcio am fwy na un sesiwn mewn dydd/ wythnos- £7 y pen.

Ymweliadau Diwrnod i’r Gwersyll (Medi- Ebrill)

• Diwrnod Darganfod Cynefin
• Antur Natur Fach
• Diwrnod Gwyllt 
• Dihangfa Lles
• Dysgu Cymraeg trwy Natur

Pris
10am-2:30pm gyda bwyd £25 y pen
10am-2:30pm heb bwyd £20 y pen
10am -12:30pm neu 12-2:20pm £12 y pen

Cyrsiau Preswyl deuddydd, un noson (pris yn cynnwys llety, bwyd a gweithgareddau)

Pris yw pris y pen ac yn cynnwys llety, bwyd a gweithgareddau. Mae’r uchod ar gael fel cwrs 3 diwrnod, 2 noson hefyd am gost ychwanegol.

Gallwn ni hefyd eich helpu chi drefnu gweithgareddau ychwanegol megis arfordiro, padlfyrddio a thripiau cwch yn yr ardal. Fedrwn hefyd helpu chi drefnu gweithgareddau ychwanegol megis arfordiro, padlfyrddio a tripiau cwch yn yr ardal.

Adeiladwch gwrs preswyl eich hun

Llety yn unig: £20 y gwely’r noson*

Llety a bwyd: £45 y gwely’r noson*

*Pris yn seiliedig ar leiafswm o 15 person.

Cysylltwch â ni am restr o brisiau atyniadau a phrofiadau lleol.

Ydych chi’n chwilio am brofiad gwaith maes ysbrydoledig ar gyfer eich disgyblion TGAU  neu Lefel A?

Dewch i archwilio  tirweddau dramatig Gogledd Sir Benfro gyda’n tîm arbenigol yng Ngwersyll yr Urdd Pentre Ifan! 

Pecynnau 24 i 48 awr ar  gael o £85 i £145 y person.

Enghreifftiau o waith maes addas i’r Cwricwlwm: 

Llety a chyfleusterau o Safon

• Llety i hyd at 40 (neu 55 gyda phebyll saffari).
• Dewis o hunanarlwyo neu fwyd wedi’i ddarparu. 

Ymdrochi yn yr iaith Gymraeg

• Gweithgareddau drwy’r Gymraeg neu’n ddwyieithog.
• Cyfle i ddysgwyr ddatblygu hyder a mwynhau diwylliant Cymru: twmpathau, cerddoriaeth Gymraeg, chwedlau o amgylch y tân

Pam dewis Pentre Ifan?

• Tîm angerddol a phrofiadol.
• Cefndir naturiol syfrdanol ym Mryniau’r Preseli.
• Profiad diogel, pleserus  ac addysgol wedi’i deilwra i’ch anghenion.

Dyma gyfle i fwynhau popeth sydd gan Pentre Ifan i’w gynnig, yn ogystal â chyfrannu at waith yr Urdd o ddarparu cyfleoedd gwych a phwysig i blant a phobl ifanc Cymru.

Crwydrwch ar hyd lwybr Parc Cenedlaethol Arfordir Penfro gan edrych am fywyd gwyllt y môr neu cerddwch Ffordd Euraidd y Preseli gan fwynhau’r golygfeydd godidog. Ar stepen drws y gwersyll gallwch fynd am dro trwy Goedwig Tŷ Canol a Phentre Ifan. Ar ddiwedd y dydd, mwynhewch sesiwn syllu ar y sêr o amgylch tân y gwersyll gyda phaned blasus o siocled poeth.

Mae amryw o atyniadau yn yr ardal y gallwch ymweld a nhw, gan gynnwys Pentref Oes Haearn Castell Henllys, Fferm Ceffylau Gwedd Dyfed, Canolfan Bywyd Gwyllt Cilgerran, Llyn Llys-y-frân a llawer mwy!

Rydym wedi lleoli’n berffaith rhwng trefi poblogaidd Trefdraeth ac Aberteifi lle mae bwytai blasus, thafarndai clyd a digon o siopau!

Prisiau: Mae ystafelloedd en-suite Cwt Carningli yn cysgu 7 i 9 person yr ystafell, gyda phrisiau yn dechrau o £120 yr ystafell y noson. Neu os oes grŵp ohonoch chi eisiau aros, gallwch chi logi’r safle cyfan! Rydym hefyd yn cynnig brecwast cyfandirol am £5.50 y pen.

Cysylltwch â ni er mwyn archebu eich lle!

Hyd at 25 o chwaraewyr (lleiafswm o 12 person).

Ymunwch â ni am benwythnos o gynllwyn, twyll, heriau ac wrth gwrs… llofruddiaeth.

Mae’r pecyn hwn yn cynnwys eich llety, bwyd, cyflwynydd gêm a’ch heriau.

Bydd eich heriau yn cael eu rhedeg gan Adventure Beyond, sydd wedi datblygu rhai o’r sialensiau a welir ar deledu.

Wrth gyrraedd nos Wener bydd gennych gyfle byr i ddadbacio cyn cwrdd â’ch cyflwynydd wrth y bwrdd cylch cyntaf yn ein neuadd Duduraidd 600 oed. Yma, fe gewch wybod a fyddwch yn chwarae fel un ffyddlon neu fel bradwr.

Yna, bydd y gêm yn dechrau…

Dysgu am fywyd gwyllt yr arfordir (e.e. morloi, crancod, adar y môr) a sut i leihau effaith sbwriel a phlastig ar yr amgylchedd.

Taith dywys i archwilio rhywogaethau mynyddig, daeareg a threftadaeth y Preselau, a pherthynas pobl â’r dirwedd dros amser.

Cyflwyniad i rywogaethau’r cynefin hynafol, olion gweithgarwch dynol yn y coed, a phwysigrwydd cadwraeth.

Teithio’r goedwig gyda synwyryddion ystlumod a thortshys; edrych ar fyd natur mewn golau newydd, gan gynnwys golau uwchfioled. 

Sgiliau goroesi: cychwyn tân, clymu/cordio, codi lloches, fforio ac ati.

Syllwch ar wybren y nos gan ddysgu am enwau a chwedlau’r planedau a’r cytserau.

Sesiwn i dawelu’r corff a’r meddwl ac ymlacio’n llwyr.

Effaith ffasiwn cyflym ar yr amgylchedd a gweithdy uwchgylchu ymarferol.

Plannu, hadu, compostio, cynhaeafu a bwyta! Dysgwch am fuddiannau o fwyta’n lleol a’n dymhorol ac am bob agwedd o dyfu bwyd mewn ffordd hwylus a blasus.

Ble mae ein gwastraff yn mynd, faint o amser i ddeunyddiau ddadelfennu, a her uwchgylchu creadigol mewn tîm.

Ymlacio o amgylch tân agored i wrando ar chwedlau a storïau Cymru gyda siocled poeth.

Cyfle i gael tro ar helygrefft, creu brethyn, gweithio gyda phren neu adeiladu gyda deunydd naturiol. 

Troi dysgu’n weithredu: creu darn creadigol (barddoniaeth, cân, celf, fideo, dawns, araith, placard) i gyfleu eich neges i’r cyhoedd ac awdurdodau. 

Mae’n draddodiad Gymreig! Felly esgidiau dawnsio ymlaen ac ymunwch yn y ddawns.

Mae’r cwrs preswyl yma ar gyfer unigolion sydd gyda diddordeb o fewn y sector cadwraeth natur a chynaliadwyedd ac eisiau blas ar beth all y sector gynnig. Byddwch yn profi gwahanol agweddau o gadwraeth natur gan gynnwys clywed profiadau a chyngor unigolion sy’n gweithio gyda sefydliadau Cadwraeth Natur eisoes. Yn ogystal, byddwch yn cael cyfle i gwrdd â unigolion sydd gyda’r un diddordeb mewn natur a’r amgylchedd ac aros mewn llety sydd wedi’i leoli yng nghanol coedwig hynafol Pentre Ifan o fewn Parc Cenedlaethol Arfordir Sir Benfro.

Yn ystod eich cwrs preswyl 5 diwrnod byddwch yn cyfle i wneud y canlynol:

• Profi ein sesiynau cynefin- Dysgu beth sy’n gwneud cynefinoedd yr ucheldiroedd, coedwig ac arfordir yn unigryw a sut mae sefydliadau yn gweithredu i  amddiffyn a cyfoethogi rhain i hybu eu bioamrywiaeth.
• Clywed cyngor o cyflogwyr y sector amgylcheddol ar lwybrau bosibl i mewn i byd gwaith Amgylcheddol a sut i gynyddu eich tebygolrwydd o fod yn llwyddiannus yn y sector.
• Derbyn blas ar agweddau o gadwraeth ymarferol- amrywiaeth o arolygon natur, tracio rhywogaethau penodol megis mamaliaid bychain, hybu cynefinoedd adar ac adnabod rhywogaethau.
• Cyflawni gofynion preswyl Lefel Aur Dug Caeredin Aur.

Dyddiad y cwrs nesaf: 26-30/10/2026

Pris- £320

Oedran: 15-19oed

Llety-: Ystafell ensuite yn rhannu gyda hyd at 4 person arall.

Bwyd: Pob pryd wedi’i gynnwys yn y pris.

O gyfeiriad Abergwaun:

• Ewch ar yr A487 tuag at Aberteifi.
• Arhoswch yr y ffordd yma nes gwelwch arwydd brown am siambr gladdu Pentre Ifan a throwch i’r dde gan ddilyn yr arwydd.
• Dilynwch y ffordd yma nes gweld mynediad Gwersyll Pentre Ifan ar yr ochr dde, trowch i’r dde i mewn i’r Gwersyll.

O gyfeiriad Aberteifi:

• Dilynwch yr arwyddion am Abergwaun gan fynd trwy Eglwyswrw a Felindre Farchog.
• Arhoswch ar y ffordd nes gweld arwydd brown siambr gladdu Pentre Ifan a throwch i’r chwith gan ddilyn yr arwydd.
• Dilynwch y ffordd yma nes gweld mynediad Gwersyll Pentre Ifan ar yr ochr dde- trowch i’r dde i mewn i’r Gwersyll.

O gyfeiriad yr M4

• O Gaerdydd arhoswch ar yr M4 i Bont Abraham.
• Ewch ymlaen i’r A48 tuag at Gaerfyrddin.
• Wrth gyrraedd Cylchfan Pensarn yng Nghaerfyrddin trowch ymlaen i’r ail allanfa tuag at Abergwaun.
• Ar yr ail gylchfan, trowch ymlaen i’r allanfa cyntaf.
• Arhoswch ar yr A40 hyd gylchfan Penblewin.
• Cymerwch y trydydd allanfa ymlaen i A478 tua Aberteifi.
• Arhoswch ar y ffordd nes mynd trwy Blaenffos ac yna trowch i’r chwith tuag at Eglwyswrw (B4332) ac Abergwaun.
• Ar gyffordd Eglwyswrw ewch i’r chwith ymlaen i A487 tua Abergwaun.
• Ewch trwy Eglwyswrw a Felindre Farchog.
• Arhoswch ar y ffordd nes gweld arwydd brown siambr gladdu Pentre Ifan ar yr ochr chwith
• Dilynwch yr arwydd brown a throwch i’r chwith.
• Dilynwch y ffordd yma nes gweld mynediad Gwersyll Pentre Ifan ar yr ochr dde- trowch i’r dde i mewn i’r Gwersyll.