Calon 2026

Cwmni Theatr yr Urdd yn cyflwyno Calon; sioe gerdd newydd sbon yn llawn caneuon eiconig Caryl Parry Jones

Cyfansoddiadau eiconig

Yng Nghaerdydd fis Awst 2026, llwyfannodd Cwmni Theatr yr Urdd Calon; sioe gerdd newydd sbon yn llawn o ganeuon eiconig a ysgrifennwyd gan Caryl Parry Jones dros y degawdau.

Y sioe

Cafodd y sioe ei pherfformio yn Theatr Donald Gordon Canolfan Mileniwm Cymru, yr ail lwyfan fwyaf yn Ewrop, ar 27, 28 a 29 Awst 2026.

Hon yw sioe fwyaf Cwmni Theatr yr Urdd ar ei newydd wedd, ers ail-lansio yn ystod blwyddyn canmlwyddiant y Mudiad yn 2022 diolch i gefnogaeth gan Lywodraeth Cymru.

Roedd dros 1,300 yn y gynlleidfa ar gyfer y noson agoriadol a cafodd dros 3,500 o docynnau eu gwerthu ar draws pedwar perfformiad.

Y Cast

Perfformiodd cast o dros 100 o bobl ifanc, rhwng 15 a 25 mlwydd oed ac o bob cwr o Gymru, yn y sioe gyda band byw. Roedd cyfleoedd hefyd i bobl ifanc weithio ar bob elfen o’r gwaith llwyfan, yn cynnwys gwaith technegol, cynllunio a gwisgoedd. Cafodd y bobl ifanc eu mentora trwy’r broses o greu’r sioe gan artistiaid a chriw llwyfan proffesiynol yn y maes.

Tu ôl i Calon

Roedd Calon yn llawn dop o’r caneuon cyfarwydd a hynod boblogaidd ysgrifennwyd gan Caryl dros 40 mlynedd, yn cynnwys yr anthem eiconig, Calon a rhai o ganeuon Eden. Yn cydweithio â Caryl ar y sioe oedd ei chyfnither a’r gantores Non Parry; y Cyfarwyddwr Symud a Choreograffydd Elan Isaac a’r actores, cantores a chyflwynwraig Miriam Isaac; sef dwy o ferched Caryl.

Cydweithio â Theatr Cymru

Roeddem yn falch iawn i fod wedi partneru gyda Theatr Cymru i lwyfannu’r ddrama gerdd arbennig hon. Fel rhan o’r bartneriaeth, roedd Rhian Blythe – Cyfarwyddwr Cyswllt Theatr Cymru – yn cyfarwyddo ‘Calon’, gan ddod â’i phrofiad helaeth fel cyfarwyddwr ac actor i’r perfformwyr ifanc.

Cymryd rhan

Ein Gwersylloedd

Ffyrdd o Ymweld

Aelodaeth

Cyfleoedd

Amdanom ni

Cefnogi’r Urdd