Pecynnau dyddiol a phreswyl ar gael

Wedi’i leoli ar lan Llyn Tegid ger Y Bala (ym Mharc Cenedlaethol Eryri), mae Glan-llyn yn leoliad perffaith ar gyfer eich diwrnod staff neu corfforaethol nesaf chi.

Gall ein tîm profiadol o staff ddarparu’r diwrnod corfforaethol perffaith ar eich cyfer, wedi’i deilwra i’ch anghenion chi.

Datblygwch sgiliau eich gweithle yng Nglan-llyn…

  • Adeiladu tîm
  • Datrys problemau
  • Lles
  • Cymhelliant a chyd-weithio
  • Codi hyder

Eich diwrnod corfforaethol

Buddsoddwch yn eich tîm gyda diwrnod cofiadwy sy’n dod â phawb at ei gilydd. Mae ein diwrnodau adeiladu tîm yn cynnig cyfle i staff gamu allan o’r gweithle, cysylltu â’i gilydd a datblygu sgiliau allweddol mewn awyrgylch hwyliog a chefnogol.

Drwy gymryd rhan yn ein gweithgareddau, gall eich tîm cryfhau cyfathrebu a chydweithio, meithrin hyder, hybu creadigrwydd a gwella lles, gan greu gweithle mwy cadarnhaol ac effeithiol.

Rydym yn cynnig pecynnau hyblyg i weddu i anghenion eich tîm, boed yn hanner diwrnod, diwrnod llawn neu brofiad preswyl. Mae ein pecynnau’n gallu cynnwys:

  • Llety cyfforddus
  • Pecynnau arlwyo blasus a hyblyg
  • Rhaglen o weithgareddau wedi’u teilwra i’ch amcanion
  • Defnydd o gyfleusterau ar y safle
  • Cefnogaeth gan ein tîm profiadol drwy gydol eich ymweliad

  • Gweithgareddau’r gwersyll
  • Darlithfeydd
  • Ystafelloedd cyfarfod gydag offer technegol
  • Neuadd fwyta
  • Llety neu ardal wersylla
  • BBQ a ffwrn pizza tu allan

Os ydych yn cynllunio diwrnod corfforaethol neu brofiad preswyl, rydym yn cynnig amrywiaeth o opsiynau llety ac arlwyo i weddu i’ch anghenion. O fwffe ysgafn i brydau o safon, gallwn deilwra pecyn sy’n gweithio i’ch tîm ac yn sicrhau profiad cyfforddus a chofiadwy.

Gyda llety i hyd at 240 o wersyllwyr dros nos, mae ein pecynnau preswyl yn rhoi’r cyfle i’ch tîm ymlacio, cysylltu a manteisio i’r eithaf ar eu hamser gyda’i gilydd mewn lleoliad unigryw.”

Cysylltwch

Pecynnau dyddiol a phreswyl ar gael. Cysylltwch i drafod eich anghenion a chyllideb.