Ymddiriedolwyr a Llywyddion Anrhydeddus

Bwrdd Ymddiriedolwyr yr Urdd

Mae’r Urdd yn elusen sy’n cael ei llywodraethu gan Fwrdd Ymddiriedolwyr. Y Bwrdd Ymddiriedolwyr sydd â’r cyfrifoldeb a’r atebolrwydd cyffredinol dros bob agwedd ar waith yr elusen.

Rydym yn gwerthfawrogi arbenigedd ein hymddiriedolwyr. Mae pob un ohonynt yn wirfoddolwyr, ac maent yn defnyddio eu sgiliau a’u profiad i gefnogi staff yr Urdd i gyflawni strategaeth ac amcanion y mudiad.

Ar Fwrdd Ymddiriedolwyr yr Urdd, mae dau le wedi’i neilltuo ar gyfer pobl ifanc rhwng 18 a 25 oed. Mae pob ymddiriedolwr yn gwasanaethu am gyfnod cychwynnol o dair blynedd, gyda’r posibilrwydd o gael eu hail-ethol am gyfnod pellach wedi hynny.

Mae ymddiriedolwyr yr Urdd fel arfer yn cwrdd yn ffurfiol hyd at bum gwaith y flwyddyn i adolygu gwaith yr elusen a gwneud penderfyniadau strategol pwysig.

Mae strwythur llywodraethu’r Urdd yn cynnwys chwe bwrdd strategol sy’n adrodd yn ôl i’r Bwrdd Ymddiriedolwyr.