Preswyl Aur Dug Caeredin

• 26 – 30 Hydref 2026 (5 diwrnod / 4 noson)
• Gwersyll yr Urdd Glan-llyn (ger Y Bala ym Mharc Cenedlaethol Eryri)

• Mynydda – Archwilio tirweddau godidog a datblygu sgiliau llywio, gwaith tîm a diogelwch mynydd. 

• Padlfyrddio (Paddleboarding) neu canwio – Meithrin hyder ar y dŵr wrth ddysgu technegau newydd. 

• Dringo – Herio’ch hun ar greigiau naturiol a waliau dringo gan ddatblygu gwydnwch a sgiliau datrys problemau. 

• Gwylltgrefft (Bushcraft) – Dysgu sgiliau byw yn yr awyr agored, gan gynnwys adeiladu llochesi, cynnau tanau a sgiliau gwersylla. 

Bydd yr holl offer arbenigol sydd eu hangen ar gyfer y gweithgareddau yn cael eu darparu, gan sicrhau bod gennych fynediad at offer o ansawdd uchel sydd wedi’u cynnal a’u cadw’n briodol drwy gydol yr wythnos. 

Os oes gennych eich offer eich hun, megis siwt wlyb, mae croeso i chi ddod ag ef gyda chi a’i ddefnyddio. Fodd bynnag, am resymau diogelwch, gall ein hyfforddwyr ofyn i chi ddefnyddio offer Glan-llyn yn lle hynny os ydynt yn teimlo ei fod yn fwy addas ar gyfer y gweithgaredd, yr amodau neu anghenion y grŵp. Ein blaenoriaeth yw sicrhau bod pawb yn gallu cymryd rhan yn ddiogel ac yn gyfforddus, gan gael y gorau o’u profiad. 

Bydd rhestr pacio yn cael ei rhannu gyda chi cyn wythnos y breswyl. 

• Sgiliau awyr agored ac antur newydd 

• Mwy o hyder ac annibyniaeth 

• Cyfle i gwrdd â phobl ifanc o’r un anian 

• Profiad o weithio fel rhan o dîm 

• Profiad cofiadwy a gwerth chweil i gwblhau eich Preswyl Aur DofE 

Yn ystod eich wythnos breswyl byddwch yn aros yn un o’n blociau llety cyfforddus ar safle Glan-llyn. Mae gennym nifer o flociau llety gwahanol, pob un yn cynnwys ystafelloedd cyfforddus, lolfa gymunedol a chegin.

Gallwch aros naill ai yn Tŷ Eirys, sydd wedi’i leoli ger glannau Llyn Tegid, neu yn Glan-llyn Isa, llety annibynnol sydd ychydig oddi wrth brif safle’r gwersyll. Mae’r ddau opsiwn yn cynnig amgylchedd cyfforddus a chroesawgar i ymlacio ar ôl diwrnod llawn gweithgareddau.

Bydd pob pryd bwyd yn cael ei ddarparu yn ystod y cwrs, gyda bwyd maethlon a chytbwys i’ch cadw’n llawn egni ar gyfer yr anturiaethau sydd o’ch blaen. Gallwn ddarparu ar gyfer ystod eang o ofynion dietegol os ydych yn eu nodi ymlaen llaw.

Byddwn yn penderfynu pa lety fydd yn cael ei ddefnyddio ar gyfer eich cwrs yn seiliedig ar faint a chyfansoddiad y grwpiau sy’n aros yn ystod yr wythnos. Bydd manylion eich llety yn cael eu cadarnhau ar eich diwrnod cyntaf.

Ymunwch â ni am wythnos o antur, datblygiad personol a phrofiadau newydd wrth gwblhau eich Preswyl Aur DofE mewn ffordd gyffrous a chofiadwy. Byddwch yn gadael gyda sgiliau newydd, ffrindiau newydd ac atgofion gwych.