Am y bedwaredd flwyddyn yn olynol, mae Gwasanaeth Cerdd Cenedlaethol Cymru a Charanga yn gweithio gyda’r Urdd i ddarparu adnoddau ymarfer ar gyfer detholiad o gystadlaethau’r Eisteddfod, gan helpu athrawon a disgyblion i baratoi, ymarfer a magu hyder cyn gŵyl 2027.
Mae Charanga Cymru yn cael ei ariannu gan Lywodraeth Cymru drwy Wasanaeth Cerdd Cenedlaethol Cymru, gan alluogi pob ysgol yng Nghymru sy’n cael eu hariannu gan awdurdod lleol i gael mynediad at y platfform addysg gerddoriaeth dwyieithog yn rhad ac am ddim.
Gwrando. Ymarfer. Magu hyder.
Mae’r adnoddau’n cynnwys traciau cyfeiliant ar gyfer detholiad o:
- ddarnau i gorau a phartïon
- unawdau
- deuawdau
Ar gyfer 2027, defnyddiwyd offerynnau chwyth i gynrychioli’r rhannau lleisiol yn y traciau ymarfer. Mae hyn yn ei gwneud hi’n haws clywed hyd a siâp y nodau unigol, gan roi arweiniad cerddorol clir i ddisgyblion wrth iddyn nhw ddysgu eu darnau.
Gall athrawon ddefnyddio’r traciau yn ystod ymarferion yn yr ysgol, a gall disgyblion hefyd eu defnyddio i gefnogi ymarfer annibynnol gartref drwy ardal ddisgyblion Yumu Charanga Cymru.
Gall pobl ifanc sy’n cystadlu yng nghategorïau Cyfansoddi Cerddoriaeth hefyd ddefnyddio YuStudio, y weithfan sain ddigidol sydd ar gael drwy Charanga Cymru, i ddatblygu a chreu eu cynigion.
Traciau ymarfer