Arhosiadau i Deuluoedd a Grwpiau

Bae Caerdydd, De Cymru

Canolfan gyfleus ar gyfer gwyliau byr i’r teulu yn y ddinas, penwythnos i weld gêm, cyngerdd neu ymweliad grŵp. Mae lle i hyd at chwech o bobl yn yr ystafelloedd, gyda brecwast ar gael. Mae’r ganolfan yn agos at y Senedd, Canolfan Mileniwm Cymru a llawer o brif atyniadau Caerdydd.

Llyn Tegid, Gogledd Cymru

Arhoswch ar lan Llyn Tegid yn Eryri a mwynhewch ganŵio, dringo, padlfyrddio, saethyddiaeth a gweithgareddau awyr agored eraill. Mae gwyliau i deuluoedd ar gael ar ddyddiadau penodol, ac mae adeiladau hunanarlwyo yn cynnig lle i grwpiau mwy.

Arfordir Ceredigion, Gorllewin Cymru

Cyfunwch seibiant ar yr arfordir â gweithgareddau i blant ac oedolion. Gall gwyliau i deuluoedd yn Llangrannog gynnwys llety, prydau bwyd a rhaglen o weithgareddau, gyda thraethau, teithiau cerdded ar hyd yr arfordir ac atyniadau lleol gerllaw.

Sir Benfro, Gorllewin Cymru

Lleoliad heddychlon rhwng Mynyddoedd y Preseli ac arfordir Sir Benfro. Arhoswch gyda’ch teulu neu ffrindiau, llogwch lety ar gyfer grŵp mwy ac ychwanegwch brofiadau sy’n canolbwyntio ar natur, llesiant, cynaliadwyedd a chreadigrwydd.