1. Creu cyfrif ar Y Porth

Y cam cyntaf yw creu cyfrif a phroffil o fewn Y Porth, sef ein system ar lein.

Cofrestrwch yma

2. Ymaelodi gyda’r Urdd

Unwaith fyddi di wedi creu dy gyfrif o fewn Y Porth, gelli ymaelodi dy hun gyda’r Urdd (os yn 16+ oed), neu ychwanegu plentyn / plant dy deulu i’w ymaelodi gyda’r Urdd.

Cofrestrwch

3. Dewis cystadleuaeth

Mae’r Rhestr Cystadlaethau yn cynnwys pob un o’r dros 350 o gystadlaethau’r Eisteddfod, boed yn rhai perfformio ar lwyfan, gwaith cartref, CogUrdd neu Gelf, Dylunio a Thechnoleg. Bydd pob cystadleuaeth yn nodi’r darn perthnasol, gan gynnwys manylion.

4. Cofrestrwch drwy Y Porth

Gellir cofrestru ar gyfer yr holl gystadlaethau drwy dy gyfrif Porth. Mae modd i ti gofrestru cystadlaethau unigol dy hun neu fel rhiant, ond bydd angen i’r ysgol/cangen cofrestru cystadlaethau torfol (grwpiau).

Cofrestru ar-lein Pwysig

5. Nodwch y Dyddiadau

Mae’n bwysig dy fod yn ymwybodol o’r dyddiadau yma, fel nad wyt ti’n colli unrhyw ddyddiadau cau!

6. Rowndiau cystadlu

Mae’r Eisteddfod wedi’i rhannu’n dair rownd: un leol, un ranbarthol ac un genedlaethol.

  • Bydd dyddiadau‘r Eisteddfod Cylch ar gael drwy holi’r Ysgol/Cangen, ar gyfryngau cymdeithasol neu drwy gysylltu gyda dy Swyddog Cymunedol.
  • Bydd rhagbrofion ar gyfer cystadlaethau unigol gan amlaf (os na nodir yn wahanol gan y Swyddog Cymunedol)
  • Beth yw Rhagbrofion? Dyma rownd gyntaf o gystadlu os fydd nifer y cystadlu yn uchel. Bydd 3 yn cael eu dewis i berfformio eto ar lwyfan yr Eisteddfod Cylch. NID canlyniad y gystadleuaeth yw hwn!
  • Mae’r 3 enw yma yn cael ei gyhoeddi a’i arddangos mewn ardal penodedig yn dilyn y rhagbrawf, cyn ail berfformio ar lwyfan yr Eisteddfod Cylch.
  • Yn ddibynnol ar eich rhanbarth, bydd y 1af, ac efallai 2il a 3ydd, yn mynd ymlaen i gynrychioli’r Cylch yn yr Eisteddfod Rhanbarth.
  • Rhoddir tystysgrif ‘Da iawn ti’ i bawb fydd yn cystadlu yn unigol, fydd yn cynnwys sylwadau byr am y perfformiad. Bydd y 3 uchaf yn derbyn Tystysgrif a beirniadaeth lawn.

  • Bydd dyddiadau’r Eisteddfod Rhanbarth ar gael drwy holi’r Ysgol/Cangen, ar gyfryngau cymdeithasol, neu drwy gysylltu gyda dy Swyddog Cymunedol.
  • Mae ambell i Ranbarth yn cynnal Rhagbrofion, felly yn dilyn yr un broses a’r Eisteddfod Cylch.
  • Mae’r enillydd o bob gystadleuaeth yn cael eu gwahodd i’r Eisteddfod Genedlaethol yr Urdd.
  • Bydd y 3 uchaf yn derbyn Tystysgrif a beirniadaeth lawn.

Mae’r Eisteddfod Genedlaethol yn teithio o amgylch Cymru, gan ymweld ag ardal newydd yn flynyddol.

Os yn fuddugol yn yr Eisteddfod Rhanbarth, fe gei wahoddad i gystadlu ar lefel Genedlaethol, ar un o brif lwyfannau’r Ŵyl ar faes yr Eisteddfod.

Mae amserlen penodol yn cael ei greu ac ar gael ychydig wythnosau cyn yr Eisteddfod, ar ein gwefan, yn nodi dyddiad, amser a lleoliad y gystadleuaeth.

Yn dilyn y gystadleuaeth bydd y canlyniad yn cael ei gyhoeddi ar lwyfan y Cyfrwy (llwyfan canlyniadau), lle derbynnir y 3 cyntaf eu tystysgrifau a medalau.

Mae beirniadaeth lawn ar gael ar gyfer pob cystadleuydd o Swyddfa’r Eisteddfod, sydd ar y Maes, yn dilyn y canlyniad.

eisteddfod

Rhestr Testunau 2027

Bydd rhestr Testunau ar gael yn fuan

Eisteddfodau’r dyfodol

Eisteddfod yr Urdd Bro’r Wenynen, Gwent 2027

Eisteddfod yr Urdd Eryri 2028

Eisteddfod yr Urdd Ceredigion 2029

Ein côd cyfeillgarwch

Mae Urdd Gobaith Cymru yn disgwyl i gystadleuwyr, hyfforddwyr a chefnogwyr ymrwymo i ysbryd o chwarae teg yn holl weithgareddau’r Mudiad.

Darllenwch ein cod cyfeillgarwch
Gwobrau Coleg Cymraeg Cenedlaethol, 2024

Gwobrau Urdd x RWCMD

Darganfyddwch y chwe gwobr ar gyfer sêr llwyfan Eisteddfod yr Urdd a Gwobrau Coleg Brenhinol Cerdd a Drama Cymru, a gefnogir gan dalentau gorau Cymru.

Darganfod mwy

Ysgoloriaeth Geraint George

Sefydlwyd yr ysgoloriaeth hon gan Cyfoeth Naturiol Cymru ac Awdurdod Parc Cenedlaethol Eryri er cof am Geraint George, a oedd yn amgylcheddwr, yn addysgwr ac yn gyfathrebwr brwdfrydig.

Sefydlwyd yr ysgoloriaeth hon gan Gyfoeth Naturiol Cymru ac Awdurdod Parc Cenedlaethol Eryri er cof am y diweddar Geraint George.

Nod yr ysgoloriaeth sy’n agored i unigolion 18-25 oed yw meithrin cyfathrebwyr gwych a all helpu pobl yng Nghymru, a thu hwnt, i werthfawrogi’r byd naturiol a deall y ffactorau sy’n effeithio arno. Gwahoddir cystadleuwyr i anfon gwaith cyfathrebu, mewn unrhyw gyfrwng ac ar unrhyw bwnc amgylcheddol sy’n berthnasol i Gymru.

Bydd yr enillydd yn cael dewis un o ddau opsiwn:

  1. Ymweliad wythnos â Pharc Cenedlaethol Trigav yn Slofenia ble ceir cyfle i ddysgu am waith y Parc a chymryd rhan mewn gweithgareddau.
  2. Mynychu cynhadledd Ewroparc a gynhelir mewn gwahanol ran o Ewrop bob blwyddyn, ble ceir cyfle i ddysgu am waith sy’n digwydd mewn gwahanol wledydd ac ymweld â safleoedd.